Ministrja Bozhinovska do të marrë pjesë në Samitin Energjetik në Athinë
Siguria energjetike, ndryshimet klimatike dhe tranzicioni drejt ekonomisë më të qëndrueshme do të jenë në fokus së Samitit të 14-t energjetik (Athens Energy Summit) që sot do të mbahet në Athinë, ndërsa në të cilin merr pjesë edhe ministrja e Energjetikës, Minierave dhe Burimeve Minerale, Sanja Bozhinovska, informon korrespondentja e MIA-s nga Athina.
Ministrja Bozhinovska bashkë me homologët e saj nga Greqia dhe Qiproja, Teodoros Skilakakis dhe Jorgos Papanastasiu do të diskutojnë në panelin kushtuar “Lojës së madhe energjetike: Gjeopolitika dhe tregu global i energjisë”.
“Me rastin e konferencës, ministrja e Energjetikës, Minierave dhe Burimeve Minerale e Maqedonisë së Veriut, Sanja Bozhinovska dhe ministri i Energjetikës, Tregtisë dhe Industrisë së Qipros, Jorgos Papanastasiou, do të jenë në Athinë dhe do të marrin pjesë në konferencë me ministrin e Mjedisit dhe ministrit të Energjetikës Teodoros Skilakakis dhe zëvendësministren e Energjisë dhe Mjedisit, Aleksandradu Sduku. Në forum do të diskutohen sfidat dhe mundësitë në sektorin e energjisë, me theks në bashkëpunimin rajonal, ndërlidhjet energjetike dhe kalimin në energji të pastër”, njoftuan organizatorët e Samitit.
Samiti Energjetik (Athens Energy Summit) tradicionalisht bashkon funksionarë udhëheqës dhe përfaqësues të industrisë energjetike, duke siguruar mundësi për dialog strategjik për të ardhmen e energjisë në rajonin më të gjerë.
