Inteligjenca artificiale, si Chat-GPT, mund të jetë po aq efektive, nëse jo më e mirë, sesa një psikoterapist njerëzor kur bëhet fjalë për shëndetin mendor. Ky përfundim u arrit nga studiuesit e Universitetit të Ohajos dhe Institutit të të dhënave Hatch dhe Shëndetit Mendor.
Hulumtimi tregoi se njerëzit vërejnë ndryshime në modelet e gjuhës, por rrallë janë në gjendje të dallojnë nëse përgjigjet janë dhënë nga një inteligjencë njerëzore apo artificiale. Për më tepër, analiza tregoi se përgjigjet e gjeneruara nga Chat-GPT ndjekin më mirë parimet bazë psikoterapeutike, tregojnë respekt më të madh për klientët dhe u lënë hapësirë për të marrë vendimet e tyre.
Përgjigje më të gjata dhe më specifike
Analiza shtesë zbuloi se Chat-GPT dha përgjigje më të gjata në krahasim me terapistët, duke përdorur më shumë emra dhe mbiemra. Për shkak se emrat përdoren për të përshkruar njerëz, vende dhe objekte, dhe mbiemrat shtojnë kontekstin, kjo mund të nënkuptojë që Chat-GPT ofron përgjigje më të hollësishme dhe specifike nga terapistët. Sipas studiuesve, ishte ky kontekstualizim më i detajuar që i bëri të anketuarit t’i jepnin vlerësime më të mira.
– Që nga krijimi i Elizës gati 60 vjet më parë, studiuesit kanë debatuar nëse inteligjenca artificiale mund të marrë rolin e terapistit. Edhe pse shumë pyetje të rëndësishme mbeten ende, gjetjet tona sugjerojnë se përgjigja mund të jetë pozitive – përfundojnë autorët e studimit dhe bëjnë thirrje për analiza të mëtejshme të etikës, fizibilitetit dhe dobisë së integrimit të inteligjencës artificiale në proceset e trajtimit të shëndetit mendor.
