Një debat i fortë ka shpërthyer mes Rozana Radit dhe Gjesti në shtëpinë e Big Brother VIP Albania, duke shkaktuar tensione të reja mes dy ish-shokëve të mirë.
Gjesti, i njohur për natyrën e tij provokuese, nuk ka hezituar të drejtojë akuza të rënda ndaj Rozanës. Ai ka aluduar se Rozana ka një të kaluar të errët dhe se është përfshirë në përleshje fizike me gra të tjera për shkak të një të dashuri, duke i shtuar kështu mëdyshjet e publikut rreth karakterit të saj.
“A do informacione nga jashtë? Ti je kapur për flokësh me femra për të dashur. Të gjithë e kanë parë,” ka thënë ai, duke e sfiduar publikisht të martën mbrëma. Këto fjalë kanë vënë në dukje tensionin e vazhdueshëm mes dy protagonistëve, të cilët tashmë shihen si rivalë të egër në shtëpinë e BBVA.
Rozana, e cila dukej e habitur nga akuzat, i kërkoi Gjestit sqarime për ato që ai pretendonte. “Cili format?” pyeti ajo, duke kërkuar të kuptonte se për cilën situatë specifike ishte fjala. Megjithatë, Gjesti nuk u ndal dhe vazhdoi me sulmet e tij, duke e kritikuar ashpër për qëndrimin e saj ndaj grave në shtëpi.
Përveç këtyre, ai e akuzoi Rozanën se nuk kishte dhënë shembuj të mirë për gratë, duke e shpallur atë hipokrite për vetëdeklarimet e saj. “Çka ke bërë e di e gjithë bota, dhe ti vjen këtu e jep shembuj për femrat? Edhe flet për Eglin, e gjykon Eglin. Ti nuk ke dhënë shembull të mirë,” shtoi ai.
